ସଲମାନଙ୍କ ସହ ଦେଖା ହେବା ପରେ ରିୟାଲିଟି ସୋ’ ‘ଲକ୍ ଅପ’ର ବିଜେତା ବଦଳାଇଛନ୍ତି କଙ୍ଗନା: ପାୟଲ ରୋହତଗି

ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ପାୟଲ କହିଛନ୍ତି ଯେ, ‘ଲକ୍ ଅପ’ର ବିଜେତା ଲୋକଙ୍କ ଭୋଟକୁ ଆଧାର କରି ନୁହେଁ ବରଂ କଙ୍ଗନାଙ୍କ ନିଷ୍ପତ୍ତିକୁ ଆଧାର କରି ଘୋଷଣା କରାଯାଇଛି। ତିନିମାସ ଧରି କଙ୍ଗନା ନିଜ ସୋ’ର ବିଷୟବସ୍ତୁ ବିଷୟରେ ଲୋକଙ୍କୁ ବୁଝାଇବାରେ ଲାଗିପଡ଼ିଥିଲେ। ନିଜ ସୋ’କୁ ‘ବିଗ୍ ବସ୍’ ସହ ତୁଳନା ନକରିବାକୁ ମଧ୍ୟ କହିଥିଲେ। ସୋ’ର ବିଷୟବସ୍ତୁ ଥିଲା ‘ବ୍ୟାଡଆସ୍’ ହେବା। ମୁଁ ସେହି ଅନୁଯାୟୀ ମୋର ଗେମ୍ ଖେଳିଥିଲି ଏବଂ ମୋତେ ‘ବ୍ୟାଡଆସ୍’ ଟ୍ୟାଗ୍ ବି ଦିଆଯାଇଥିଲା। ସବୁ ପରେ ବି ଶେଷ ମୂହୁର୍ତ୍ତରେ କଙ୍ଗନା ବିଜେତା ବଦଳାଇ ଦେଲେ। ସଲମାନଙ୍କ ଇଦ ପାର୍ଟିକୁ ଯାଇ କଙ୍ଗନା ତାଙ୍କ କହିବା ଅନୁସାରେ ଏଭଳି କରିଛନ୍ତି। ‘ବିଗ୍ ବସ’ଠାରୁ ନିଜକୁ ଭିନ୍ନ କରିବାର ଲକ୍ଷ୍ୟ ନେଇ କଙ୍ଗନା ଆରମ୍ଭ କରିଥିବା ଏହି ସୋ’ ଏବେ ଛୋଟ ‘ବିଗ୍ ବସ୍’ ହୋଇ ରହିଯାଇଛି। କିଛି ଭିନ୍ନତା ନାହିଁ।